D.Aqyshev: Ulttyq banktiń burynǵy jáne qazirgi basshylyǵy arasynda eshqandaı alaýyzdyq joq
ASTANA. QazAqparat - QR Ulttyq bankiniń burynǵy tóraǵasymen aramyzda esh kelispeýshilik joq. QR Prezıdenti janyndaǵy Ortalyq kommýnıkatsııalar qyzmetindegi brıfıngte Ulttyq bank tóraǵasy Danııar Aqyshev BAQ ókilderiniń saýalyna oraı osylaı dedi.
«Ulttyq banktiń qazirgi basshysy men burynǵy basshysy arasyndaǵy ózara qarym-qatynasqa qatysty suraq qoıylǵan bolatyn. Bizderdiń durys jumys qarym-qatynasymyz bar. Ózderińizde biletindeı, Ulttyq bank - bul baı ári tereń dástúrge ıe uıym. ıaǵnı, Ultyq banktiń barlyq tóraǵalarynyń arasyndaǵy qarym-qatynas jaqsy», - dedi ol.
Onyń atap ótýinshe, Ulttyq banktiń barlyq is-sharalaryna, máselen, Ulttyq valıýta kúnine banktiń burynǵy basshylarynyń barlyǵy da shaqyrylady.
