D.Aqyshev: Ulttyq bank úshin negizgi basym mindet - ınflıatsııany ortamerzimdi aralyqta 4 paıyzǵa deıin tómendetý
ASTANA. QazAqparat - Ulttyq bank úshin negizgi basym mindet - ınflıatsııany ortamerzimdi aralyqta 4 paıyzǵa deıin tómendetý. Bul týraly búgin Úkimet otyrysynda QR Ulttyq banki tóraǵasy Danııar Aqyshev málim etti.
Ol óz sózinde Elbasynyń Joldaýda bergen tapsyrmalaryn oryndaý boıynsha Ulttyq banktiń sharalary aldaǵy jospary Jalpyulttyq is-sharalar josparynda kózdelgenin atap ótti.
«Aldyn ala boljaýǵa bolatyn jáne tómen deńgeıdegi ınflıatsııa, kredıttik jáne ınvestıtsııalyq belsendiliktiń ósýine yqpal etedi. Elimizdegi aqshanyń jáne qarjynyń turatylyǵyn aıqyndaıdy. Sol sebepti ınflıatsııany 6-8 paıyz shamasynda ustap turý jáne ortamerzimdi aralyqta 4 paıyzǵa deıin tómendetý Ulttyq bank úshin negizgi basym mindet bolady», - dedi D.Aqyshev.
Onyń atap ótýinshe, bul Ulttyq Bankten de, Úkimetten de ekonomıkalyq reformalardy iske asyrý, aqsha-kredıt saıasatyn júrgizý barysynda aıtarlyqtaı kúsh-jiger jumsaýdy talap etedi.
«Túpkilikti maqsatymyz - kredıttik jáne ınvestıtsııalyq belsendiliktiń ósýi, elimizdegi aqshanyń jáne qarjynyń turaqtylyǵyn qamtamasyz etý. Oǵan aldyn ala boljanatyn jáne tómen ınflıatsııa deńgeıi yqpal etetindigi belgili», - dedi ol.
