D.Abaev: Sońǵy 2 jylda Elbasynyń joǵary deńgeıdegi kelissózderinde etnosaralyq kelisim ózekti taqyrypqa aınaldy

ASTANA. QazAqparat - Sońǵy 2 jylda Elbasynyń joǵary deńgeıdegi kelissózderinde etnosaralyq kelisim ózekti taqyrypqa aınaldy. Bul týraly búgin elordada ótken Qazaqstan halqy Assambleıasynyń «Beıbitshilik pen kelisim mádenıeti» atty ІІ halyqaralyq medıa forýmy barysynda QR Prezıdentiniń keńesshisi - baspasóz hatshysy Dáýren Abaev aıtty.

Shara barysynda «KTK» telearnasynyń strategııalyq damý jónindegi dırektory Artýr Platonov QR Prezıdentiniń joǵary deńgeıdegi jabyq kelissózderinde etnosaralyq kelisim máselesi qanshalyqty qozǵalatynyn suraǵan bolatyn.

«Keıbireýler oılaǵandaı óte jıi emes. Biraq, ýaqyt ótken saıyn qoǵam qaıratkerleri men saıasatkerler Memleket basshysyna júginip, suraı bastaıtyn boldy. Jyldan jylǵa bul taqyrypqa, problemaǵa qyzyǵýshylyq artýda. Ásirese, sońǵy 2 jylda bul taqyryp barynsha ózekti bola tústi», - dedi saýalǵa jaýap bergen D.Abaev.

Sonymen qatar Prezıdent baspasóz hatshysy bul máselege ınvestorlar da jı qyzyǵýshylyq tanytatyndyǵyn aıryqsha atap ótti.

«Óıtkeni, olar úshin ınvestıtsııa quıǵysy keletin eldegi ultaralyq kelisim óte mańyzdy», - dedi ol.