D.Abaev «Azamattarǵa arnalǵan úkimet» korporatsııasy jáne «1414» Biryńǵaı baılanys ortalyǵy jumysymen tanysty
«QR Aqparat jáne kommýnıkatsııalar mınıstri Dáýren Abaev «Azamattarǵa arnalǵan úkimet» memlekettik korporatsııa bólimderine, «UAT» AQ-na jáne «1414» Biryńǵaı baılanys ortalyǵyna bardy.
Memlekettik korporatsııada Dáýren Abaevty kompanııanyń barlyq front-ofısterin birizdendirý jumystarynyń sheńberinde jańǵyrtylǵan ZTMO ofısimen tanystyrdy. Ofısterdiń ınfraqurylymyn jańǵyrtý elimizdiń halqyna memlekettik qyzmetter usynýdyń biryńǵaı qaǵıdattaryn qamtamasyz etý úshin júrgiziledi. Búgin ZTMO ofıstarynyń 90% kedergisiz qyzmet kórestýge kóshirilip, jumys ýaqyty 9.00-den 20.00-ge deıin uzartyldy.
Eske sala keteıik, «Azamattarǵa arnalǵan úkimet» tórt negizgi: «Jer kadastry ǵylymı-óndiristik ortalyǵy», «Jyljymaıtyn múlik ortalyǵy», «Zeınetaqy tóleý jónindegi memlekettik ortalyq» jáne «Halyqqa qyzmet kórsetý ortalyǵy» RMK qosylǵannan keıin osy jyldyń sáýir aıynan bastap jumys isteıdi.
Jańa qurylym 530 memlekettik qyzmetti biriktirdi, al jaqynda memlekettik qyzmetterdi irikteý jónindegi vedomstvoaralyq komıssııa memlekettik korporatsııaǵa berý úshin taǵy 53 qyzmetti aıqyndady.
Osylaısha, jaqyn ýaqytta azamattar «Azamattarǵa arnalǵan úkimet» front-ofısteri arqyly 583 qyzmetti ala alady.
Sonymen birge mınıstr «Ulttyq aqparattyq tehnologııalar» AQ-ǵa baryp, QR Ashyq úkimetiniń komponentterimen tanysty, olar tórt jumys isteıtin portaldan turady: Ashyq málimetter, Ashyq NQA, Ashyq bıýdjetter jáne Ashyq suhbat. Besinshi komponent - memlekettik organdar qyzmetiniń tıimdiligin baǵalaý portaly kelesi jyldan bastap jumysyn bastaıdy.
Jobany iske asyrý memlekettiń ashyqtyǵy men eseptiligi deńgeıin arttyrýdan basqa, memlekettik organdardyń sheshimderin daıyndaýǵa jáne iske asyrýǵa qoǵamnyń barynsha belsendi qatysýyn jáne olardyń qyzmetiniń tıimdiligin baǵalaýdy qamtamasyz etedi.
Búgin Ashyq úkimet portalynda ashyq málimetterdiń 800-den astam jıyntyǵyna, 1700-deı NQA jáne 160-tan astam bıýdjetke qoljetimdi, al Ashyq suhbat portalynda ótinishterdiń sany 190 000 kórsetkishten asyp tústi.
«Budan basqa, Dáýren Abaev 1414 memlekettik qyzmet kórsetý máseleleri boıynsha Biryńǵaı baılanys ortalyǵynyń (BBO) jumysymen tanysty. Kúndelikti BBO-ǵa Qazaqstan boıynsha keminde 14 000 qońyraý kelip túsedi, olardy 120 operator óńdeıdi. BBO-da 704 memlekettik qyzmet boıynsha keńes berý júzege asyrylatynyn jáne aǵymdaǵy jyldyń sońyna deıin keńes berý úshin taǵy 35 qyzmetti qabyldaý josparlanǵandyǵyn atap ótemiz», - delingen vedomstvo habarlamasynda.
