Tsıýrıhte vokzaldy keńeıtý úshin salmaǵy 6 200 tonna ǵımarat ornynan kóshirildi
ASTANA. 25 mamyr. QazAqparat - Tsıýrıhtegi Oerlikon ortalyq vokzalyn keńeıtý úshin úsh qabatty fabrıkanyń eski ákimshilik ǵımaratyn batysqa qaraı 63 metrge jyljytý jóninde sheshim qabyldandy. Bul týraly BNews.kz jazady.
2015 jylǵa qaraı Oerlikon ortalyq vokzalynyń aýmaǵy ulǵaıtylady. Uzyndyǵy 5 km quraıtyn jańa tonnel Oerlikon vokzalyn Tsıýrıhtiń basty ortalyq vokzalymen jalǵastyrýy kerek bolatyn. Osy jolda fabrıkanyń eski ǵımaraty kedergi bolǵandyqtan ony saý kúıinde 63 km qashyqtyqqa jyljytý jospary quryldy.
Fabrıkanyń ákimshilik ǵımaraty óz ornynda 123 jyl turǵan kórinedi. Osynaý tarıhı ǵımaratty qıratpas úshin qurylysshylar oǵan zaqym keltirmesten ornynan jyljytýdyń tehnologııasyn oılap tapqan.
Seısenbi kúni saǵat 11.00-de jınalǵan qaýym buǵan deıin kórmeshgen oqıǵanyń kýási boldy. Ǵımarat gıdravlıkalyq domkrattyń kómegimen jyljytyldy. Abyroı bolǵanda protsess eshbir tosynsyısyz aıaqtaldy.
Jergilikti ýaqyt boıynsha saǵat 17:30-da bıiktigi 80 metrdi, eni 12 metrdi quraıtyn úsh qabatty nysan 20 metrge jyljytyldy. Belgilengen qashyqtyqtyń jartysy 21:00 saǵatta ıgerildi. Jyljytýdyń ortasha jyldamdyǵy saǵatyna 3,50 - 3,75 metrdi qurady.
Jumystyń bári ǵımaratty aman saqtap qalýǵa baǵyttalǵan. Joba boıynsha jumys 2010 jyly tamyzda bastalǵan bolatyn. Sol sátte naqty esepteýler jasalyp, jobany júzege asyrý úshin 10 mln eýro jumsaldy, dep habarlaıdy Le Matin.
