Tsıýrıh fermeri salmaǵy 768 kelilik asqabaq ósirdi
ASTANA. 8 qazan. QazAqparat - Tsıýrıh kantonyndaǵy Pfýgen kommýnasynyń fermeri Benı Maıer Shveıtsarııadaǵy eń aýyr asqabaqty ósire aldy.
Sol kantondaǵy Zeegreben shaǵyn qalasynda ótken jármeńkege qoıylǵan kókónistiń salmaǵy 768,5 keli boldy, dep habarlaıdy jergilikti BAQ.
Endi Maıer Eýropadaǵy eń aýyr asqabaqty ósirgen fermer ataǵy úshin kúresýge nıetti. Soǵan baılanysty ol óziniń «týyndysymen» kelesi jeksenbi kúni jármeńke ótetin germanııalyq Lıýdvıgsbýrgke jol tartpaqshy. Shveıtsarııalyq azamattyń múmkindikteri jaman emes. Eýropalyq «rekord» jasaldy, al frantsýz Mahdı Daonyń 2009 jyly ósirgen asqabaǵynyń salmaǵy Maıerdiń kókónisinen 38 keli kem.
Álemdik rekord ótken aptada AQSh-ta tirkeldi: munda ósirilgen asqabaqtyń salmaǵy 911 kelini qurady.
