Tsıýrıh bıznesi Qazaqstan ekonomıkasyna qyzyǵýda
ASTANA. QazAqparat - Tsıýrıh qalasynda Qazaqstan Respýblıkasynyń Shveıtsarııadaǵy Elshiligi Shveıtsarııa - Azııa Saýda palatasymen birlese otyryp, Qazaqstannyń ınvestıtsııalyq jáne iskerlik klımaty jóninde dóńgelek ústel ótkizdi.
Shveıtsarııanyń densaýlyq, saqtandyrý, kólik, joǵary tehnologııa, bank jáne azyq-túlik salalardyń 30-dan astam kompanııalary qatysty, dep habarlaıdy QazAqparat Syrtqy ister mınıstrliginiń baspasóz qyzmetine silteme jasap.
Aıta keterligi, Shveıtsarııa Qazaqstannyń negizgi bes saýda seriktesteriniń qataryna kiredi. Al aǵymdaǵy 2016 jyldyń toǵyz aıynda osy elmen taýar aınalym 2,9 mlrd. AQSh dollaryna jetken. Shara barysynda QR Shveıtsarııadaǵy Elshisi Janar Aıtjanova Qazaqstannyń ınvestıtsııalyq klımatty jáne bıznes jasaý jaǵdaıdy jeńildetý men jaqsartý boıynsha Úkimettiń jumysy týraly jan-jaqty habarlap, Qazaqstannyń Dúnıejúzilik saýda uıymynyń jáne Eýrazııalyq ekonomıkalyq odaǵynyń múshesi bolýy shetel kompanııalarynyń aldynda ashylatyn tıimdiligin atap ótti.
Al «Shveıtsarııa - Azııa» Saýda palatasy basqarmasynyń múshesi Týk Seng Loý Qazaqstannyń «Doing business 2017» halyqaralyq bıznes reıtıngte joǵary 35-shi orynda ekenine toqtaldy. Onyń aıtýynsha, bul Úkimettiń bıznes rásimdi ońaılatý jáne shetel ınvestıtsııalardy tartý boıynsha ońtaıly saıasatyn kórsetedi.
Sonymen qatar, shara aıasynda Novartis, UBS, Rheinmettall, Switzerland tourism, AOT holding, Ruag aviation, Astra jáne basqa kompanııalardyń ókilderimen salyq salý, logıstıka, tıisti ruqsat qujattardy alý, bıznes ashý máseleler boıynsha pikir almasý ótti. Investorlarmen «bir tereze» qaǵıdaty, ombýdsmen ınstıtýty, salyq pen keden jeńildikteri, ákimshilik tosqaýyldardy qysqartý jáne ruqsat qaǵazdardy berý rásimin jeńildetý boıynsha jumystar qatysýshylardyń erekshe qyzyǵýshylyǵyn tanytty.
Elshi Janar Aıtjanova Tsıýrıh bıznesin «EKSPO-2017» halyqaralyq kórmesine, Astana halyqaralyq qarjy ortalyǵy jáne memlekettik obektilerdi jekeshelendirý protsesine belsendi qatysýǵa shaqyrdy.
Basqosý nátıjesinde birlesken bıznes-jobalardy talqylaý maqsatynda shveıtsarlyq iskerlik toptardyń Qazaqstanǵa 2017 jyly saparyn uıymdastyrý boıynsha ýaǵdalastyqqa qol jetkizildi.
