Tsýnamı áketken japondyq traýler bir jyldan keıin Kanada jaǵalaýynan tabyldy
ASTANA. 26 naýryz. QazAqparat - Ótken jyly qýatty tsýnamı aǵyzyp áketken japondyq traýler Kanadanyń Brıtandyq Kolýmbııa provıntsııasynan tabyldy, dep habarlady CNN.
Vıktorııa qalasyndaǵy qutqarý operatsııalaryn úılestirý ortalyǵy ókiliniń aıtýynsha, keme tottanǵan, biraq jaı-kúıi jaman emes.
Búginde bul traýler Sharlotta patshaıym araldarynan 200 shaqyrymdaı jerde tur. Ony aldymen áskerı áýe torýylshylary baıqaǵan. Japonııanyń jaǵalaýlyq kúzet qyzmetkerleri kemeniń ıesin de tapty. Balyqshylar traýleri Honsıý aralynyń soltústigindegi Aomorı prefektýrasyniki bolyp shyqty.
Ázirshe kanadalyqtardyń kemege qatysty josparlary habarlanbaǵan. Mamandar traýlerden maı aǵyp ketpeýine baqylaý ornatqan.
Traýlerdi Japonııa jaǵalaýyndaǵy tolqyndardy 10 metr bıiktikke deıin kótergen tsýnamı alyp ketken. Sol tsýnamı kezinde 9 balldyq jer silkinisi bolyp, keminde 19 myń adam qurban bolǵan edi. Myńǵa tarta adam áli habar-osharsyz ketip otyr.
