Cultan Záýirbektiń tıtýldyq aıqasy resmı jarııalandy

NUR-SULTAN. QazAqparat - MTK Global Boxing promoýterlik kompanııasy qazaqstandyq Sultan Záýirbektiń (12-0, 8KO) ekinshi jartylaı jeńil salmaqtaǵy WBO tıtýly úshin aıqasyn resmı málimdedi, dep habarlaıdy QazAqparat VKontaktedegi Qazaqstannyń kásibı boksy paraqshasyna silteme jasap.

Qazaqstandyq boksshynyń qarsylasy – maltalyq Haıtem Laamýz (17-1, 7KO). Jekpe-jek Londondaǵy York Hall arenasynda 15 sáýirde ótedi. Záýirbek 2021 jyldyń shildesinde jeńip alǵan WBO European tıtýlyn ekinshi ret qorǵaıdy.

«Sultan Záýirbek kelesi aıda qaýipti qarsylas Haıtem Laamýzaǵa qarsy WBO tujyrymy boıynsha jartylaı jeńil salmaqtaǵy Eýropa chempıony tıtýlyn qorǵaıdy», - dep jazdy kompanııanyń baspasóz qyzmeti. ⠀

Aıta keteıik, 2021 jyldyń jeltoqsanynda Sultan brıtandyq boksshy Raıan Ýıllerdi altynshy raýndta tehnıkalyq nokaýtpen jeńip, tıtýlyn qorǵaǵan edi.