Tsýkerberg úıge kómek úshin jasandy ıntellekt qurmaqshy
ASTANA. QazAqparat - Facebook áleýmettik jelisiniń negizin qalaýshy Mark Tsýkerberg 2016 jyly úıde, jumysta kómektesetin jasandy ıntellekt qurýdy josparlady, dep habarlady RIA Novostı.
«2016 jyly men aldyma qarapaıym jasandy ıntellekt qurý maqsatyn qoıdym, ol úı ishi isterin basqaryp, maǵan jumysta kómekteser edi. Mysalǵa, «Temir adamdaǵy» Djarvıs tárizdi», - dep habarlady Tsýkerberg áleýmettik jelidegi óz paraqshasynda.
Tsýkerberg jasandy ıntellektini qurýdy búgingi kúni bul saladaǵy tehnologııa qandaı jetistikke jetkenin zerdeleýden bastaýdy josparlaýda.
«Budan keıin bizdiń úıdegi barlyq nárseni - mýzykany, jaryqty, temperatýrany jáne basqalaryn basqarýy úshin men ony daýysymdy túsinýge, meniń dostarym esikke qońyraý shalǵanda, olardyń bet-álpetin tanýǵa úıretemin», - dep jazdy Tsýkerberg.
Sondaı-aq jasandy ıntellekt oǵan servıster jáne jańa jobalar jasaýǵa kómektesýi tıis.
Facebook basshysy ár jyl saıyn óziniń aldyna jańa mindetter qoıyp otyrady. Mysalǵa, ótken birneshe jyldary ol aıyna keminde eki kitap oqýǵa, soltústik qytaı tilin úırenýge jáne ár kúni jańa dostar tabýǵa ýáde bergen bolatyn. Onyń aıtýynsha, jańa bastalǵan jyldyń taqyryby «jasandy kómekshi» oılap tabý bolmaq.
