Tsýkerberg: Tramptyń prezıdent bolǵanyna Facebook jelisiniń esh qatysy joq
ASTANA. QazAqparat - «Feısbýk» áleýmettik jelisiniń negizin qalaýshy Mark Tsýkerberg áleýmettik jelidegi jalǵan jańalyqtar aǵyny Donald Tramptyń AQSh prezıdenttigine saılaýda jeńiske jetýine yqpal etti degen syn aıtyp, jazǵyrǵandarǵa jaýap berdi.
«Feısbýktegi jalǵan aqparattar saılaý qorytyndysyna yqpal etti dep oılaýdyń ózi aqylǵa qonymsyz», - dedi Tsýkerberg Kalıfornııa konferentsııasynda sóz sóıleý barysynda.
«Eger osyǵan senetin bolsańyzdar, onda Tramptyń jaqtastary saılaý naýqany barysynda neni jetkizýge tyrysqanyn durys uǵyna almaǵandaryńyz dep oılaımyn», - dep qosty bıznesmen.
AQSh-ta lıberaldyq ortada áleýmettik jeli Donald Trampqa saılaýshylardyń basym bóligine óz ıdeıalaryn jetkizýge yqpal etti degen teorııa tarap ketti. Áleýmettik jeli bolmaǵanda, ol mundaı múmkindikke ıe bolmas edi, deıdi synshylar.
Feısbýk jelisine 156 mln amerıkalyq jazylǵan. Taıaýdaǵy zertteý nátıjesine sensek, olardyń úshten ekisi barlyq jańalyqty osy saıttan biledi eken, dep jazady Bı-bı-sı.
