Tsýkerberg: Facebook saıası jarnamaǵa tyıym salmaıdy

NUR-SULTAN. QazAqparat - Facebook kompanııasynyń basshysy Mark Tsýkerberg Vashıngtondaǵy Djordjtaýn ýnıversıtetinde sóz sóılep, Facebook saıası jarnamany toqtatpaıtynyn aıtty, dep jazady VVS.

Buǵan deıin Tsýkerberg jalǵan saıası málimdemelerdiń jarnamasyna qatysty synǵa ushyraǵan edi.

Óz sózinde Mark Tsýkerberg saıasatkerler men demokratııa jańalyqtaryn tsenýzarǵa ushyratý durys emes dep oılaıtynyn aıtty.

«Feısbýk platformasyndaǵy barlyq saıası jarnamaǵa tyıym salý múmkindigi janjaqty zertteldi. Biraq halyq saıasatkerlerdiń sózderin onyń ras-ótirigine qaramastan bilýi kerek. Biz saıası jarnamaǵa tyıym sala almaımyz», - dedi ol.

Ótken aptada jelide Mark Tsýkerberg Donald Tramptyń prezıdenttik saılaýǵa ekinshi ret túsýin qoldaıtyny týraly jazbanyń jarnamasy keń tarap ketken bolatyn. Sol sebepti halyq Tsýkerbergten jalǵan málimeti bar saıası jarnamalarǵa tyıym salýdy suraǵan edi.