Tsýkerberg Facebook aktsııalarynyń 99%-yn qaıyrymdylyqqa jumsaıdy
ASTANA. QazAqparat - Mark Tsýkerberg áıeli Prıstsılla Chan ekeýi Facebook aktsııalarynyń 99%-yn qaıyrymdylyqqa jumsaý týraly sheshim qabyldaǵanyn aıtty.
Bul týraly RIA «Novostı» habarlady.
«Biz ómirimizdiń sońyna deıin qazirgi tańda quny 45 mıllıard dollar bolatyn Facebook aktsııalarynyń 99%-yn qaıyrymdylyqqa jumsaımyz. Osylaısha álemdi gúldendirýge úles qospaqpyz», - dep jazdy Tsýkerberg áleýmettik jelidegi paraqshasynda.
Bul jazbany ol óziniń kishkene qyzy dúnıege kelýine baılanysty jarııalaǵan, erli-zaıyptylar búldirshinniń atyn Maks dep qoıǵan.
