Tsýkerberg álemdegi eń yqpaldy adamdar reıtınginde kósh bastap tur
ASTANA. QazAqparat - Facebook áleýmettik jelisiniń negizin salýshy Mark Tsýkerberg álemdegi eń yqpaldy adamdar reıtınginde kósh bastap tur. Ol amerıkalyq Vanity Fair jýrnaly jarııalaǵan reıtıng boıynsha 2015 jyldyń eń yqpaldy adamy bolyp tanyldy.
Basylymnyń jazýynsha, bul tańǵalarlyq oqıǵa emes, sebebi Facebook-tiń negizin qalaýshy Tsýkerberg birneshe iri BAQ kompanııalarymen kelisimshart jasap, mıllıarder bolyp úlgergen.
Sondaı-aq Tsýkerberg jer sharyndaǵy barlyq adamdardy vırtýaldy ómirde biriktirýdi josparlap otyr, dep jazady sheteldik BAQ.
«31 jastaǵy Mark Tsýkerberg ózin tek tamasha kásipker retinde ǵana kórestip qoımaı, bolashaqta eń iri korporatıv lıderi bola alady» , - dep sanaıdy jýrnal redaktory Greıdon Karter.
Onyń oıynsha, Tsýkerberg Garvard ýnıversıteti jataqhanasynyń kishkentaı ǵana bólmesinde otyryp-aq, óz bıznesin 240 mlrd. dollar turatyn iri kompanııaǵa aınaldyra alýy onyń áleýmettik jeli salasyndaǵy jetken jetistikteriniń alǵashqy qadamy ǵana.
