Tsýkerberg 3 mlrd. dollaryn qaıyrymdylyqqa berdi
ASTANA. QazAqparat - Facebook-tiń negizin qalaýshy Mark Tsýkerberg pen onyń áıeli Prıstsılla Chan aldaǵy on jylda medıtsınalyq zertteýlerdi qarjylandyrýǵa óz qarajattary esebinen 3 mlrd. dollar berýge mindetteme aldy, dep habarlady Bı-Bı-Sı.
Erli-zaıyptylar ótken jyly jeltoqsanda qyzdary Maks dúnıege kelgende Chan Zuckerberg Initiative qaıyrymdylyq qoryn qurǵan bolatyn.
Ol kezde Tsýkerberg kompanııadaǵy ózine tıesili aktsııalardyń 99%-yn qaıyrymdylyqqa beretinin jarııalaǵan edi.
Olardyń dáýletiniń shamamen 45 mıllıard dollary aldaǵy ýaqytta densaýlyq saqtaý men bilim berýdi jaqsartýǵa, teńsizdikpen kúresýge baǵyttalady.
