Cý tasqyny: týrısterge Balıdiń keıbir aımaqtaryna barmaý jóninde eskertildi

ASTANA. KAZINFORM — Týrıster arasynda tanymal Indonezııanyń Balı aralynda qatty sý tasqynyna baılanysty eskertýdiń eń joǵary deńgeıi — qaýiptiliktiń qyzyl dabyly jarııalandy. Bılik turǵyndar men týrısterdi qaýipti aımaqtarǵa sapar shegýden bas tartýǵa shaqyrdy, dep habarlaıdy Kazinform. 

Jakarta Globe habarlaýynsha, birneshe kún boıy úzdiksiz jaýǵan jańbyr Balıde úlken sý tasqyny men kóshkinge ákelip, qala ortalyqtary men tanymal týrıstik aımaqtardaǵy kúndelikti ómirdi buzdy. 

Áleýmettik jelilerde sý basqan kóshede júzip bara jatqan úlken pıtonnyń beınesi taralyp jatyr, alaıda Balıdiń Tabıǵat resýrstaryn qorǵaý basqarmasy (BKSDA Bali) kadrlardyń shynaıylyǵyn jáne onyń araldaǵy qazirgi sý tasqynymen baılanysyn ázirge rastaı almaıtynyn málimdedi. Olaı bolǵanymen, vedomstvo sý basqan aımaqtarda jylandardyń paıda bolý yqtımaldyǵyn joqqa shyǵarmaıdy, dep jazdy RIA Novostı.
Denpasar, Badýng, Gıanıar, Tabanan, Klýngkýng jáne Karangasemde qaýiptiliktiń qyzyl dabyly jarııalandy.

Bılik turǵyndar men týrısterdi saq bolýǵa jáne sý tasqyny saldaryn joıý boıynsha jumystardyń jalǵasýyna baılanysty jáne resmı nusqaýlardy oryndaýǵa shaqyrdy.
Eske sala ketsek, ótken jyldyń qyrkúıeginde Balıde sý tasqynyna baılanysty tótenshe jaǵdaı jarııalandy.