Cý basqan úsh óńirde jol qozǵalysy shekteldi
ASTANA. KAZINFORM — Búgin tańǵy 08:00 jaǵdaı boıynsha erigen qar sýlardyń saldarynan 3 oblystaǵy 3 respýblıkalyq mańyzy bar avtomobıl joldarynda kólik qozǵalysyna shekteý qoıyldy. Bul týraly QazAvtoJol málim etti.
Aqtóbe oblysynda «Qandyaǵash — Embi- Shalqar — Yrǵyz» avtojolynyń 3-92 shaqyrym aralyǵy (Qandyaǵash qalasy — Embi qalasy) jabyldy.
Qostanaı oblysynda Qazaqstan men Reseı arasyndaǵy beıtarap terrıtorııadaǵy Marınovka aýylyna jaqyn aımaqta (RF shekarasy) jol qozǵalysy şekteldi.
Soltústik Qazaqstan oblysynda «Petropavl qalasynyń aınalma joly» avtojolynyń 4-7 shaqyrymy aralyǵynda (Qojabergen jyraý aınalma jolynan Esil ózeni arqyly ótetin kópirge deıin) jol jabyq.
Qazirgi tańda respýblıkalyq joldardy kútip-ustaýǵa 45 arnaıy tehnıka men 57 maman jumyldyryldy.
Eske sala keteıik, buǵan deıin 26 naýryzda Qazaqstan aýmaǵynyń basym bóligi batys antıtsıklonynyń yqpalynda bolatynyn jazǵan edik.