CTS jáne Qytaı mamandary Astanada LRT jobasyn iske asyrýǵa kiristi
ASTANA. KAZINFORM — Astanada jeńil relsti kólik júıesi iske qosýǵa halyqaralyq mamandar tartyldy, dep habarlaıdy City Transportation Systems kompanııasynyń baspasóz qyzmeti.
City Transportation Systems (CTS) kompanııasynda Qytaıdyń memlekettik Tianjin Rail Transit Co., Ltd. (TRT) kompanııasymen birlese otyryp jeńil relsti kólik (LRT) júıesin iske qosýǵa jaýapty departament jumys isteıdi. TRT — Qytaıdaǵy qalalyq relsti kólik júıesiniń jetekshi operatorlarynyń biri.
Joba aıasynda Astanaǵa TRT kompanııasynan 16 joǵary bilikti mamannan turatyn komanda keldi. Olar 12 CTS mamanymen turaqty negizde birlesip jumys istep jatyr.
Departamenttiń negizgi mindetteri:
- normatıvtik jáne tehnıkalyq qujattamany ázirleý;
- qazaqstandyq qyzmet kórsetýshi mamandardy irikteý jáne oqytý;
- LRT júıesiniń synaq rejıminde iske qosylýyn qamtamasyz etý;
- júıe paıdalanýǵa berilgennen keıingi kezeńde ony súıemeldeý.
— LRT jobasy — Astananyń kólik ınfraqurylymyn damytýdyń mańyzdy kezeńi. Bul joba qalalyq mobıldilikti jetildirýge baǵyttalǵan ozyq sheshimderdi engizýdiń negizi bolmaq. Halyqaralyq seriktesterdiń qatysýymen qurylǵan paıdalanýǵa berý departamenti júıeniń tezirek iske qosylýyna ǵana emes, sonymen qatar onyń bolashaqta turaqty ári qaýipsiz jumys isteýine múmkindik beredi, — dedi CTS kompanııasynyń LRT iske qosý departamentiniń dırektory Nıkolaı Antıpov.
Budan buryn LRT poıyzdarynyń mashınısterine qosymsha irikteý jarııalandy.