CTS LRT-ǵa mamandardy oqytyp, jumysqa alady

ASTANA. KAZINFORM – Astanada LRT júıesinde jumys isteý úshin qyzmetkerler qabyldanyp jatyr. Bul týraly CTS kompanııasy habarlady. 

Astanada Jeńil relsti kólik (LRT) júıesinde oqytý jáne keıinnen jumysqa ornalastyrý úshin birqatar laýazym boıynsha kadrlar qabyldaý bastaldy. 

Kompanııada myna salalar boıynsha jumys usynady:

Ǵımarattar men kúzet aımaǵyn kútip ustaý qyzmeti:
— ǵımarattar men qorǵaý aımaǵyn kútip ustaý menedjeri;
— kúzetiletin aýmaqtyń aǵa ınspektory;
— ǵımarattardy jóndeý sheberi.

Eńbek qaýipsizdigi jáne eńbekti qorǵaý qyzmeti:

— tehnıkalyq júıeler menedjeri;
— sapa menedjeri;
— órt qaýipsizdigi jónindegi menedjer.

Múlikti basqarý bólimi:

— qoıma menedjeri;
— ákimshilik basqarý menedjeri;
— qoıma sharýashylyǵy tehnıgi.

Keshendi basqarý bólimi:

— bólim basshysy;
— keshendi jáne oqý basqarmasynyń menedjeri;
— óndiris menedjeri;
— ekonomıka menedjeri;
— ákimshilik basqarý menedjeri;
— ákimshilik-sharýashylyq jónindegi menedjer;
— nysandar men jabdyqtardy basqarý menedjeri;
— stantsııa aýysymynyń basshysy;
— stantsııa kezekshisi;
— qaýipsizdik menedjeri;
— sapa menedjeri;
— óndiris dıspetcheri.

Jyljymaly quramdy jóndeý bólimi:

— óndiris dıspetcheri;
— tehnıkalyq tekserý jáne aǵymdaǵy jóndeý slesary;
— josparly jóndeý slesary;
— jabdyqtardy jóndeý slesary.

Poıyz brıgadalary bólimi:

— qozǵalys menedjeri;
— jol tehnıkasynyń aǵa mashınısi;
— jol tehnıkasynyń mashınısi.

Basqarý jáne baılanys júıeleri qyzmeti:

— qaýipsizdik menedjeri;
— baılanys sheberi;
— dabyl júıesi sheberi;
— dabyl júıesi tehnıgi.

Elektrlik-mehanıkalyq qyzmet:

— jóndeý sheberi;
— jóndeý slesary.

Elektrlik jóndeý qyzmeti:

— energetık;
— elektr monteri.

Joldar men qurylysjaılardy paıdalaný qyzmeti:

— jol monteri (qaraýshy);
— kópir jelisi monteri.

— Kandıdattar joǵary nemese arnaýly orta bilim (kólik, mashına jasaý, ınjenerlik nemese tehnıkalyq mamandyqtar, elektrli tehnıka nemese sabaqtas baǵyttar) bolýy shart. Sol sııaqty tıisti mamandyq boıynsha 1 jyldan 3 jylǵa deıingi jumys tájirıbesiniń bolýy qajet.

Jumys berýshiniń esebinen oqytý nemese biliktilikti arttyrý usynylady. Oqý merzimi — 4 aıǵa deıin. Oqytý Astana qalasynda Jumys berýshiniń esebinen júrgiziledi.

Eńbek kodeksine sáıkes resmı túrde jumysqa ornalastyrý kózdelgen. Oqytý kezeńinde bes kúndik jumys aptasy qarastyrylǵan. Jumysqa ornalasqannan keıin laýazymyna baılanysty bes kúndik nemese aýysymdyq jumys kestesi bar. Túıindemeler CTS-tiń resmı saıty arqyly qabyldanady, — delingen habarlamada. 

Aıta ketelik byltyr LRT qurylysyna respýblıkalyq bıýdjetten qansha qarajat jumsalǵany jóninde jazǵan edik.