CTS kompanııasynyń elorda ákimdigine debıtorlyq qaryzy 8,8 mlrd teńgege jetken
Nur-Sultan qalasynyń máslıhaty men Tekserý komıssııasynyń birlesken otyrysynda Kólik jáne jol kóligi ınfranqurylymyn damytý basqarmasynyń basshysy Jansultan Saparbaev osyndaı málimet aıtty.
«Búgingi tańda bizdiń basqarmanyń debıtorlyq qaryzy 23,2 mlrd teńgege jýyqtaıdy. Onyń 8,5 mlrd teńgesi tsessııalyq kelisimshart boıynsha týyndaǵan. Bul qaryz «CTS» kompanııasynyń sharýashylyq qyzmeti kezinde avtobýs satyp alý lızıngteri boıynsha qordalanǵan. Atalǵan pýnkt boıynsha eki arada medıatıvtik kelisim bar. 2027 jylǵa deıin qaryzdy jabýǵa mindet alǵan», - dedi basqarma basshysy.
Atalmysh basqarmanyń balansynda bıyldyń ózinde 10 mlrd teńgeden asatyn debıtorlyq qaryz qalyptasqan.
«Budan bólek 4,4 mlrd teńgedeı debıtorlyq qaryz jáne bar. Ol boıynsha «Sot oryndaýshysy» JShS-men memorandým bekittik. Sondaı-aq, bıyldyń ózinde 10 mlrd 400 mln teńge debıtorlyq qaryz qalyptasty. Ol kásiporyndarǵa aǵymdyq jumystar boıynsha avans tóleýge baılanysty týyndady», - dedi Jansultan Saparbaev.