CTS kompanııasy LRT qurylysyna qosymsha qarajat tartýǵa qatysty túsinik berdi

ASTANA. KAZINFORM — City Transportation Systems kompanııasy Astanadaǵy múlkin aýktsıonǵa shyǵarý sheshimine qatysty túsinik berdi. Bul rette, jer telimi men jyljymaıtyn múlikti saýdaǵa shyǵarý josparly is-shara ekeni atap ótildi. 

— Aýktsıonǵa shyǵarylǵan múlik tizimi e-Qazyna.kz saıtynda shyǵarylǵan. Bul — josparly is-shara. Odan túsken qosymsha qarajat LRT qurylysyna baǵyttalady. Osy múlik satylmasa, qaıtadan aýktsıonǵa shyǵarylady. Atap aıtqanda, múlikti saýdaǵa shyǵarý — qalypty dúnıe, — delingen kompanııanyń Kazinform agenttigine bergen jaýabynda.

Aıta keteıik, búgin e-Qazyna.kz saıtynda elordadaǵy Esil aýdanynda qurylysy aıaqtalmaǵan turǵyn úı kesheni aýktsıonǵa qoıyldy. Onyń bastapqy baǵasy 3,2 mlrd teńge. Sonymen qatar, 9 qyrkúıekte Nura aýdanyndaǵy jer telimi de saýdaǵa shyǵaryldy, bastapqy quny — 338 mln teńge.

Buǵan deıin elordada CTS kompanııasy jyljymaıtyn múlkin jalǵa berý boıynsha ashyq konkýrs jarııalaǵanyn jazǵan edik. 

Eske salsaq, bıyl tamyz aıynda jalpy uzyndyǵy 22,4 shaqyrym bolatyn LRT negizgi jelisinde relsterdi tóseý jumystary aıaqtaldy.