Ctoılov Latvııa-Qazaqstan matchynda qaı fýtbolshylar oınaıtynyn aıtty
ASTANA. QazAqparat - Qazaqstan quramasynyń bas jattyqtyrýshysy Stanımır Stoılov ÝEFA Ulttar Lıgasynyń Latvııa quramasyna qarsy kóshpeli matchynyń bastapqy quramyn jarııalady, dep habarlaıdy FFK saıtyna silteme jasaǵan «SPORTINFORM».
Bolgar mamany quramdy «Qaırat» pen «Astana» oıynshylary arasynan iriktep aldy. Bastapqy quramda el chempıonaty ókilderiniń sany kóp - 8 adam. Komanda rezervinde, sondaı-aq, eki jetekshi klýbtyń fýtbolshylary da jetkilikti.
Qazaqstan quramasyndaǵy jalǵyz legıoner Erkebulan Seıdahmet te qosymsha quramda qalǵanyn atap ótý kerek.
Komandamyzdyń bastapqy quramy mynadaı:
Nenad Erıch (V) - Abzal Beısebekov, Evgenıı Postnıkov, Sergeı Malyı, Dmıtrıı Shomko, Georgıı Jýkov, Baýyrjan Islamhan, Islambek Qýat, Baktıer Zaınýtdınov, Roman Mýrtazaev, Alekseı Şetkın.
Rezervte: Vladımır Plotnıkov (V), Dmıtro Nepogodov (V) - ıÝrıı Logvınenko, Nuraly Álip, Gafýrjan Sýıýmbaev, Aleksandr Sokolenko, ıAn Vorogovskıı, Magamed Paragýlgov, Dýman Narzıldaev, Maksım Fedın, Baýyrjan Turysbek, Erkebulan Seıdahmet.
Eske sala keteıik, Latvııa men Qazaqstan arasyndaǵy oıyn búgin Rıga qalasynda ótedi. Kezdesý Astana ýaqytymen saǵat 22:00-de bastalady. Matchtyń tikeleı kórsetilimin «QazSport» telearnasynan kórýge bolady.
