TsSKA Qarýly Kúshterdiń áskerılendirilgen krosy boıynsha chempıonat ótkizdi
STANA. Qyrkúıektiń 6-sy. QazAqparat - Qarýly Kúshterdi daıyndaý josparyna sáıkes jáne áskerı qyzmetshiler arasynda salaýatty ómir saltyn nasıhattaý, sporttyń krostyq túrlerin kópshilik arasynda taratý maqsatynda qyrkúıektiń 2-si men 4-i aralyǵynda Şýche qalasynda Qarýly Kúshterdiń áskerılendirilgen krosy boıynsha on ekinshi jeke-komandalyq chempıonat ótkizildi. Chempıonatty uıymdastyrýshy - Sport Komıteti - Qazaqstan Respýblıkasy Qorǵanys mınıstrliginiń armııanyń ortalyq sport klýby, dep habarlaıdy QR QM baspasóz qyzmeti.
Chempıonatqa 12 komanda qatysty, olardyń arasynda kelisim-shart boıynsha jumys jasaıtyn áskerıler men jedel qyzmet jaýyngerleri, QM áskerleriniń barlyq túrleri men baǵyttarynyń ókilderi, aımaqtyq qolbasshylyqtar, Qorǵanys mınıstrliginiń áskerı oqý oryndarynyń kýrsanttary bar. Jarystarǵa 12 názik jandy áskerı qyzmetshi de belsendi atsalysyp, ózderi qyzmet jasap júrgen bólimshelerdiń namysyn jyrtty, jeńiske degen qulshynysy men biliktiliginiń arqasynda jaqsy nátıjelerge qol jetkize aldy. Olardyń arasynda 1500 metr qashyqtyqta birinshi kórsetkishke qol jetken qatardaǵy jaýynger Natalıa Sakovnına da bar.
Al er azamattar arasynda 3000 metrlik qashyqtyqta qatardaǵy jaýynger Aleksandr Sysoev kózge tústi.
Chempıonat sońynda jarys nátıjeleri shyǵarylyp, jeńimpazdar gramotalar men baǵaly syılyqtarǵa ıe boldy.
