TsSKA-dan jeńilgen «Barystyń» QHL kestesindegi jaǵdaıy qandaı
NUR-SULTAN. QazAqparat – Elordalyq «Barys» máskeýlik TsSKA-dan jeńilgennen keıin Qurlyqtyq hokkeı lıgasynyń kestesinde qandaı orynǵa jaıǵasty?
Buǵan deıin habarlaǵanymyzdaı, «Barys» óz aıdynynda máskeýlik TsSKA-ny qabyldap, 3:0 esebimen oısyraı jeńildi.
Qonaqtar sapynda shaıbany Bogdan Kıselevıch (40-mınýtta), Mıhaıl Grıgorenko (53-mınýtta) jáne Kırıll Kaprızov (59-mınýtta) soqty. Osylaısha, «Barysta» 30 upaı qaldy jáne ol lıganyń Shyǵys konferentsııasynda tórtinshi orynǵa ornalasty. Kóshbasshy klýb – Qazannyń «Aq Barysynan» jeti upaı artta qalyp otyr. Chernyshevtiń dıvızıonynda Andreı Skabelkanyń komandasy Omskiniń «Avangardynan» keıin ekinshi orynǵa jaıǵasty.
Endigide QHL-da úzilis. Elordalyq klýb kelesi matchyn 12 qarasha kúni Cherepovetste «Severstalǵa» qarsy ótkizedi.
