CryptoPay: Prezıdentke otandyq alǵashqy krıptovalıýtamen tóleý úrdisi kórsetildi
ASTANA. KAZINFORM — Memleket basshysyna otandyq CryptoPay júıesin paıdalaný arqyly Qazaqstandaǵy alǵashqy krıptovalıýtamen tóleý úrdisi kórsetildi. Bul týraly Aqordanyń baspasóz qyzmeti málim etti.
Buǵan deıin Qasym-Jomart Toqaev «Bolashaq oıyndary-2026» halyqaralyq týrnırine deıingi keri sanaqty ınteraktıvti formatta iske qosty.
Prezıdent búgin Alem.ai halyqaralyq jasandy ıntellekt ortalyǵyn aralap kórdi. Ortalyqta jasandy ıntellekt salasyndaǵy ǵylymı zertteýler men bilim berý baǵdarlamalary júrgizilip, startap-bastamalar men basqa da qoldanbaly sheshimderdiń engizilýine jaǵdaı jasalady.
Іske asyrylyp jatqan jobalar JI tehnologııasyn memlekettik sektorda, bızneste jáne kúndelikti ómirde qoldanýǵa múmkindik beredi.
Jalpy, Ortalyq Memleket basshysynyń Qazaqstandy tehnologııalyq, zamanaýı jáne básekege qabiletti elge aınaldyrýdy kózdeıtin strategııalyq baǵdaryn oryndaý maqsatynda qurylǵan.
Prezıdent Ortalyqty aralaý barysynda Astana Smart City jobasynyń iske qosylǵanyna kýá boldy.