«Tsrvene Zvezdadan» jeńilgen «Ertis» Eýropa lıgasyndaǵy oıyndaryn aıaqtady
ASTANA. QazAqparat - Pavlodardyń «Ertis» fýtbol klýby Belgradta ótken Eýropa lıgasynyń ekinshi irikteý raýndynyń jaýapty matchynda «Tsrvene Zvezda» komandasynan 0:2 esebimen jeńildi, dep habarlaıdy QazAqparat Sports.kz saıtyna silteme jasap.
Dımıtar Dımıtrov alańǵa komandanyń alǵashqy oıyndaǵy quramyn shyǵardy. Matchtyń basy birden shabýyldarmen bastaldy, qonaqtar basymdyqty bergileri kelmedi, biraq onynshy mınýtta Mıtchell Donaldtyń golyn ótkizip aldy. Pavlodarlyqtar birden eseni qaıtarýǵa umtyldy, alaıda, barlyǵy oıdaǵydaı shyǵa bermedi. «Tsrvena Zvezda» alańnyń ıesi ekendigin birte-birte kórsete bastady, pavlodarlyqtar da baryn salyp oınady, jaqsy fýtbol kórsete aldy, jeńiske degen umtylystary kórinip turdy.
Úzilis komandalardyń áreketine ózgeris engizbedi deýge bolady, oıyn burynǵydaı teń ótip jatty. Biraq tablodaǵy esep qarsylastardyń paıdasynda boldy. Pavlodarlyqtarda múmkindik kóp bolǵanymen gol salý qoldarynan kelmeı-aq qoıdy. «Ertistiń» quramynda muny júzege asyratyn fýtbolshy tabylmady. Saldarynan jeńilis tapty.
Eki matchtyń qorytyndysy boıynsha jalpy 3:1 esebimen jeńiske jetken «Tsrvena Zvezda» oıyndy odan ári jalǵastyrady.
«Tsrvena Zvezda» (Belgrad, Serbııa) - «Ertis» (Pavlodar, Qazaqstan) 2:0 (1:0)
Birinshi match: 1:1
Goldar: Donald 10 (1:0), Srnıch 77 (2:0)
Eskertýler: Stoıkovıch 7, Le Tallek 90+5 - Jıvkovıch 60
«Tsrvena Zvezda»: Manoılovıch, Iovıchıch, Le Tallek, Kanga, Boake, Donald (Rachıch 90+1), Stoıkovıch, Andjelkovıch, Srnıch (Peshıch 83), Rıkardıno, Savıch
«Ertis»: Lorııa, Kıslıtsyn (Darabaev 66), Rodrıgo, Kalının, Dáýitov, Jıvkovıch, Geterıev (Fofana 82), Stamenkovıch, Fonseka (Popov 84), Maslach, Býgaev
Bas tóreshi: Fedaıı San (Shveıtsarııa)
20 shilde. Belgrad. «Raıko Mıtıch».
