CRJ-200 shtattyq ushýyna bógdelerdiń aralasýy qulaýǵa sebep boldy degen nusqa joqqa shyǵaryldy - QR BKP
ASTANA. 31 qańtar. QazAqparat - CRJ-200 shtattyq ushýyna bógdelerdiń aralasýy qulaýǵa sebep boldy degen nusqa, ıaǵnı bireýdiń qasaqana áreketi nusqasy joqqa shyǵaryldy, dep habarlaıdy QR BKP-nyń baspasóz qyzmetinen.
29 qańtar kúni Bas kólik prokýrory ushaqtyń qulaýy faktisi boıynsha QR QK-niń 295 babynyń 3 bólimimen (eki ne odan da kóp adamnyń ólimine ákelip soqtyrǵan ushý qaýipsizdigi erejelerin buzý) qylmystyq is qozǵady.
BKP-nyń arnaıy prokýrorynyń basshylyǵymen Vedomstvoaralyq tergeý toby jumysyn jalǵastyrýda, oǵan Almaty qalasynyń arnaıy prokýrorlary men Almaty qalasynyń kóliktegi ishki ister departamentiniń tergeýshileri qatysýda.
Sot-medıtsınalyq saraptamalar men taný ótkizilgen soń týystaryna qaza tapqan barlyq adamdardyń múrdeleri berildi.
Oqıǵa ornynda bolǵan Bas kólik prokýrory I.Tileýǵalıev mynadaı túsinik berdi:
- CRJ-200 shtattyq ushýyna bógdelerdiń aralasýy qulaýǵa sebep boldy degen nusqa, ıaǵnı bireýdiń qasaqana áreketi nusqasy joqqa shyǵarylady. Ushaqtyń qulaýynyń eki nusqasy qarastyrylýda: adamı faktor nemese áýe kemesiniń tehnıkalyq aqaýy.
Іs boıynsha tergeý amaldary jalǵasýda.
