Cportqa áýes aýyl turǵyndary jattyqtyrýshy mamandyǵyn tegin meńgere alady
PAVLODAR. KAZINFORM - Óńirlik dene shynyqtyrý jáne sport basqarmasynyń málimetinshe, aýyldyq jerlerde bilikti jattyqtyrýshylar jetispeıdi. Máseleni sheshý úshin oblysta pılottyq joba qolǵa alyndy.
Pavlodarda sportqa áýes aýyl turǵyndaryna jattyqtyrýshy-oqytýshy mamandyǵyn tegin meńgerýge múmkindik berilip otyr. Bul turǵyda aımaqta pılottyq joba qolǵa alyndy.
- Oblystyń aýyldyq jerlerinde bilikti jattyqtyrýshylar jetispeıdi. Soǵan oraı olardy tegin túrde daıarlaýdy qolǵa alyp jatyrmyz. Oqytý negizgi jumystan qol úzbeı júrgiziledi jáne dýaldy formatta júzege asyrylady. Bıyl jobamen 62 adam qamtyldy. Bul bolashaq mamandar oqýdy aıaqtaǵannan keıin óz aýyldaryna oralyp, sport sektsııalaryn basqarady jáne aýyl sportyna jańa lep ákeledi dep josparlanyp otyr, – dep habarlady oblystyq Dene shynyqtyrý jáne sport basqarmasynan.
Mamandar bul bastama tek kadr daıarlaý ǵana emes, aýyldaǵy buqaralyq sportty qaıta jańǵyrtý, jastar úshin ortany jaqsartý jáne ult saýlyǵyn nyǵaıtý ekenin atap ótti. Óńirde mamandardy tegin daıarlaý baǵytynda birneshe joǵary jáne orta oqý ornymen yntymaqtastyq týraly memorandým jasalǵan.
Eske sala keteıik, Qazaqstanda halyqtyń 44,5%-y sportpen turaqty aınalysady.
