Cóıleıtin qalamsaby bar ınteraktıvti abaıtaný quraly jaryqqa shyqty
ASTANA. 16 aqpan. QazAqparat /Aınur Kenebaeva/ - Ozyq jańa tehnologııaǵa negizdelip jasalǵan oqý-ádistemelik quraldyń arqasynda hakim Abaı ónegesimen ınteraktıvti túrde tanysýdyń, dala danyshpanynyń ilimderin elektrondy túrde meńgerýdiń múmkindigi týyndady.
Bul jobany belgili abaıtanýshy Mekemtas Myrzahmetulynyń jetekshiligimen «Interactive Kazakhstan» kompanııasy qoldanysqa engizdi.
Búgin QR Ulttyq akademııalyq kitaphanasynda uly oıshyldyń «tolyq adam» tujyrymdamasyna sáıkes «balanyń jaqsy bolmaǵy - jaqsy ata-anadan, jaqsy ustazdan, jaqsy qurbydan» degen qaǵıdasyna negizdelip jasalǵan «Jaqsy bala», «Jaqsy ustaz», «Jaqsy ata-ana», «Jaqsy qurby-qurdas» atty jınaqtardyń «cóıleıtin» qalamsaby bar ınteraktıvti nusqasynyń jáne «Abaıtaný álippesi» ıntellektýaldy oqý-ádistemelik kesheniniń elektrondy nusqasynyń tusaýkeseri boldy. Atalmysh oqý quraldary 5-9 synyp oqýshylaryna arnalǵan.
«Balamasy joq jańa abaıtaný quraly japondyqtarmen birlese otyryp jasap shyǵaryldy. Oqý-ádistemelik jınaqtardyń tolyq kesheniniń baǵasy shamamen 50 000 teńge kóleminde bolady», - dep málimdedi «Interactive Kazakhstan» kompanııasynyń joba menedjeri Bıjan Igenbaeva.
