Tsoıdyń portreti 200 myń dollarǵa satyldy
ASTANA. 26 qarasha. QazAqparat - «Kıno» tobynyń daýylpazy Gýstav Gýrıanov salǵan Vıktor Tsoıdyń portreti 128,5 myń fýnt sterlıngke (shamamen 200 myń dollar) satyldy.
Bul týraly habarlama brıtandyq Sotheby's bássaýda úıiniń saıtynda jarııalandy.
2013 jyly jazda ómirden ozǵan Gýstav Gýrıanov 1984-1990 jyldar aralyǵynda «Kıno» tobynda daýylpazda oınady. Tsoıdyń jol apatynan bolǵan qazasynan keıin Gýrıanov beıneleý ónerin qolǵa aldy. 1993 jyly ol Kórkem óner jańa akademııasynyń professory atandy.
