COVID-pen kúres: Prezıdent Teleradıokesheni derekti fılm túsirdi
NUR-SULTAN. QazAqparat - Qazaqstan Prezıdentiniń Teleradıokesheni «COVID-19. Qaıta retke keltirý» dep atalatyn derekti fılm túsirdi, dep habarlaıdy QazAqparat tilshisi.
«2020 jyly koronavırýs pandemııasy búkil álemdi, onyń ishinde Qazaqstandy da sharpydy. Elimizde indettiń sharyqtaý shegi jaz aılaryna týra kelip, medıtsına qyzmetkerleri statsıonarlarǵa aǵylǵan naýqastar nópirini tótep bere almaı qaldy. Dári-dármek te jetispeı, kóptegen adam ómirimen qosh aıtysty. ıAǵnı, Qazaqstan indettiń bulaı órshýine daıyn bolmaı shyqty.
Osyǵan oraı Qazaqstan Prezıdentiniń Teleradıokesheni túsirgen «COVID-19. Qaıta retke keltirý» dep atalatyn derekti fılm elimizdiń medıtsına salasynyń qazirgi ýaqytta koronavırýs ınfektsııasynyń yqtımal kezekti tolqynyna daıyndyǵy jaıynda baıandaıdy», - delingen aqparatta.
Fılmde sońǵy birneshe aıdyń ishinde elimiz soltústigindegi úsh oblysta jańadan modýldik ınfektsııalyq aýrýhana salynǵanyn mysalǵa ala otyryp, qosymsha statsıonarlardyń, qajetti medıtsınalyq quraldardyń jabdyqtalǵany týraly aıtylady.
Sonymen qatar derekti fılmde otandyq densaýlyq saqtaý salasy qaıta retke keltirilip, azamattardyń sana-sezimi men jaýapkershiligi joǵarylaǵandyǵy, memleket tarapynan pandemııamen kúreste qaýipsizdik sharalary der ýaqytynda qabyldanǵany sóz bolady.
