Covid-2019: Almatyda kúndelikti ósim 1,7 paıyz boldy
ALMATY. QazAqparat – Almatyda koronavırýstyq ınfektsııanyń kúndelikti ósimi 1,7 paıyzǵa jetti. Bul týraly qalanyń bas sanıtarlyq dárigeri Jandarbek Bekshın onlaın brıfıng barysynda aıtty, dep habarlaıdy QazAqparat tilshisi.
Onyń aıtýynsha, qalada vırýs juqtyrǵandardyń sany 2201 adamǵa jetken.
«Onyń 84,3 paıyzy aýyrǵan adammen baılanysta bolǵandar. Jazylyp shyqqandardyń sany 1319-ǵa jetti. Keshe 37 jańa jaǵdaı tirkeldi. Ósim kórsetkishi 1,7 paıyz boldy. Sondyqtan, búginnen bastap azyq-túlik bazarlary, qoǵamdyq tamaqtaný oryndary ashyldy. Qonaqúıler iske qosyldy. Aýdany 500 sharshy metr asatyn saýda ortalyqtary jumysqa qosyldy», - dedi Jandarbek Bekshın.
