COVID-19 juqtyrǵandardyń ishinde 21 naýqas emdelip shyqty – mınıstr

NUR-SULTAN. QazAqparat – Qazirgi ýaqytta 21 naýqas emdelip shyqqan. Bul týraly eldegi koronavırýs ınfektsııasy boıynsha aǵymdaǵy jaǵdaı jaıly onlaın brıfıngte aıtyldy, dep habarlaıdy QazAqparat tilshisi.

«Koronavırýs juqtyrǵan naýqastardyń ishinde segiziniń jaǵdaıy nashar. Tórteýi jasandy ventılıatsııada, jaǵdaıy kúndelikti respýblıkalyq bas mamandarmen talqylanyp, baqylaýda bolady. Sonymen qatar, ortasha jaǵdaıda - 30 naýqas, jeńil nemese sımptomsyz jaǵdaıdaǵy 244 naýqas bar. Ókinishke qaraı, Aqmola oblysynyń bir turǵyny qaıtys boldy. Qazirgi ýaqytta 21 naýqas emdelip shyqqan. Onyń ishinde Nur-Sultan qalasynda - 14 adam, Almaty qalasynda - 7 adam», - deıdi QR Densaýlyq saqtaý mınıstri Eljan Birtanov.