COVID-19 juqtyrǵan qyzylordalyq kelinshektiń jańa týǵan sábıiniń deni saý bolyp shyqty

QYZYLORDA. QazAqparat - Qyzylorda qalasynyń koronavırýsty juqtyrǵan turǵyny dúnıege ákelgen balaǵa jasalǵan test nátıjeleri onyń aǵzasynda ınfektsııanyń joq ekenin kórsetti, dep habarlaıdy QazAqparat coronavirus2020.kz-ke silteme jasap.

«Koronavırýs ınfektsııasyn juqtyrǵan áıel 9 sáýir kúni bosandy. Jańa týǵan nárestede COVID-19 vırýsynyń joq ekeni anyqtaldy», - dedi Qyzylorda oblysy Densaýlyq saqtaý basqarmasynyń basshysy Jaqsylyq Ábdýsámetov.
Eske sala ketsek, keshe Qyzylorda oblysynda koronavırýs juqtyrǵan júkti áıel aman-esen bosanyp, dúnıege salmaǵy 2970,0 gramm, boıy 51 santımetr sábı ákelgen bolatyn.

Aıta keterligi, Qyzylorda oblysynda 104 adam koronavırýsty juqtyrǵan, onyń 4-eýi búgin tirkeldi.