COVID-19 juqtyrǵan 6 naýqas ıntensıvti terapııadan turaqty palataǵa aýystyryldy

NUR-SULTAN. QazAqparat - Qazaqstanda COVID-19 juqtyrǵan 6 naýqas ıntensıvti terapııadan turaqty palataǵa aýystyryldy. Jaǵymdy jańalyqty QR Densaýlyq saqtaý mınıstrligi Facebook paraqshasynda jarııalady, dep habarlaıdy QazAqparat.

«Jaqsy jańalyq: Qazaqstanda COVID-19 bar alty naýqas ıntensıvti terapııadan turaqty palataǵa aýystyryldy. Dárigerler patsıentterdiń jaǵdaıynyń jaqsarǵanyn atap ótti jáne olar endi qarqyndy terapııany qajet etpeıdi dep sanaıdy», - delingen mınıstrlik taratqan aqparatta.

Sonymen mınıstrlik málimetinshe, elimizde 6 patsıent reanımatsııadan mamandandyrylǵan bólimge aýystyryldy: Almaty qalasynda - 2 adam, Qaraǵandy oblysynda - 2 adam, Nur-Sultan qalasynda – 1 adam, Shymkent qalasynda – 1 adam.