COVID-19 jáne tumaý: Jambylda qashyqtan oqytý áli jalǵasyp jatyr
ASTANA. KAZINFORM — Oblystaǵy epıdemıologııalyq jaǵdaı turaqtalyp keledi. Oqýshylar dástúrli formatqa oralyp jatyr.
Sanıtarlyq-epıdemıologııalyq baqylaý departamentiniń málimetinshe, Jambyl oblysynda tumaý juqtyrǵandar sany — 132. Tekserilgen patsıentterdiń arasynda eki adamnan COVID-19 anyqtaldy. Sondaı-aq taǵy 12 adam basqa vırýstyq ınfektsııamen aýyrǵan.
Departament basshysynyń orynbasary Neılı Múlikova qazirgi ýaqytta mamandar kelesi aýrýlardy tirkep jatqanyn aıtty.
- rınovırýstar — 4
- paragrıpp — 2
- adenovırýstar — 4
- bokavırýstar — 2.
Qazir aımaqtaǵy Grodekovo aýylynda bir ǵana mekteptiń oqýshylary qashyqtan bilim alyp jatyr. Inkýbatsııalyq kezeń aıaqtalǵannan keıin aımaqta 136 mektep dástúrli formatta oqýyn qaıta bastady. Mamandar aýrýdyń maýsymdyq ósý kezeńinde saqtyq sharalaryn saqtaý mańyzdy ekenin eske salady.
Olardyń aıtýynsha, adam kóp jınalatyn jerlerden aýlaq bolyp, qoldy jıi jýyp, úıdi jeldetý jáne qajet bolǵan jaǵdaıda dárigermen keńesý qajet.
Osyǵan deıin Astanadaǵy mektepterde tumaýǵa baılanysty tańǵy fıltr engizilgeni týraly jazdyq.