COVID-19 vırýsyna qarsy dári-dármektiń 48% otandyq óndirýshilerden satyp alynady
Bul týraly QR Densaýlyq saqtaý mınıstri Alekseı Tsoı Úkimet otyrysynda málimdedi, dep habarlaıdy QazAqparat tilshisi.
«2020 jyly olardyń 586-sy jetkiziledi, qalǵandary boıynsha óndiris alańdary iske qosylyp jatyr. Aıta ketý kerek, COVID-19 aýrýy boıynsha dárilik zattardyń 48% otandyq taýar óndirýshiler qamtamasyz etedi. Bul qazirgi epıdemıologııalyq jaǵdaıdy eskere otyryp, óńirler qajettiligin jedel qamtýǵa múmkindik beredi», - dedi mınıstr Úkimet otyrysynda.
Mınıstrdiń aıtýynsha, 10 jylda otandyq taýar óndirýshilerdiń ónimi shamamen 300 mlrd teńgege satyp alyndy, al onyń úlesi tegin medıtsınalyq kómektiń kepildik berilgen kólemi sheńberinde 70%-ǵa jetti.
Aıta keteıik, Úkimet otyrysynda QR Indýstrııa jáne ınfraqurylymdyq damý mınıstri Beıbit Atamqulov «Farmatsevtıkalyq jáne medıtsınalyq ónerkásipti damytýdyń 2020-2025 jyldarǵa arnalǵan keshendi josparyn» tanystyrdy.
Bıyl farmatsevtıka ónerkásibinde – 34,1%, ınvestıtsııalarda 5,2% serpindi ósý baıqalady.