COVID-19: Úndistanda vırýs juqtyrǵandar sany 7 mln-nan asty
DELI. EURONEWS-QazAqparat – COVID-19 vırýsyn juqtyrǵandar sany Úndistanda jeksenbi kúni 7 mln-ǵa jetip, álem boıynsha koronavırýstan eń kóp zardap shekken AQSh-taǵy kórsetkishterge jaqyndap qaldy.
Bul týraly QazAqparat Euronews -ke silteme jasap habarlaıdy.
Úndistannyń Densaýlyq saqtaý mınıstrliginiń málimetterine qaraǵanda, ótken táýlikte 75 myńnan astam vırýs juqtyrǵan.
Bul rette vırýs juqtyrǵandar sanynyń ósimi táýligine qyrkúıektegi 100 myńnan 70 myń adamǵa deıin kemigen. Soǵan qaramastan Úndistan álemde vırýs juqtyrǵandardyń sany jaǵynan birinshi orynda tur. Osy ýaqytta 108 myńnan astam úndistandyq COVID-19 vırýsynyń qurbanyna aınaldy.
Úndistannyń Densaýlyq saqtaý mınıstrligi vırýs juqtyrýshylar sany ósiminiń tómendeýine baılanysty jaǵdaıdy úndistandyqtardyń jańa jyly - Dıvalı merekesine deıin baqylaýǵa alýǵa múmkindik týady degen úmitte.
Bıyl atalmysh mereke 14 qarashada ótedi.
