COVID-19: Ýhannyń barlyq turǵyndary tekserýden ótedi
Ýhanǵa jaqyn Hýbeı provıntsııasynda birshama ýaqyttan keıingi úzilisten soń ınfektsııany juqtyrýdyń alǵashqy jaǵdaılary anyqtaldy. Bul aımaqta qazirdiń ózinde indetke shaldyǵýdyń 14 jaǵdaıy tirkeldi (sımptomsyz tasymaldaýshylardy qosa), olardyń segizi Ýhanda esepke alyndy.
Nıý-Iorkte 16 tamyzdan bastap meıramhanalar men barlarǵa kirý úshin vaktsınalaýdan ótkendigin rastaý talap etile bastaıdy. Sport zaldarynda, mádenıet mekemelerinde jáne oıyn-saýyq keshenderinde de osyndaı talaptar engizilgen. Delta shtamynyń taralýyna baılanysty qosymsha shekteý sharalary engiziledi. Delta nusqasy AQSh-taǵy koronavırýs jaǵdaılarynyń 83%-ten astamyn qurap otyr.
Ózbekstan basshysy vaktsınalanbaǵan qyzmetkerlerdi jumystan shyǵarýǵa múmkindik beretin zańǵa qol qoıdy. Sondaı-aq, «Azamattardyń densaýlyǵyn saqtaý týraly» Zańnyń 28-babyna respýblıkanyń Bas sanıtarııalyq dárigeriniń sheshimi boıynsha halyqty mindetti profılaktıkalyq ımmýndaý engizýine múmkindik beretin norma engizildi.