COVID-19: Shymkentte oqýshylar onlaın formatta oqıdy

ShYMKENT. QazAqparat – Shymkenttiń bas sanıtar dárigeri jańa qaýlyǵa qol qoıdy, dep habarlaıdy QazAqparat tilshisi.

Qaýlyǵa sáıkes, Ashyq jobasyna qatysatyn nysandarda 30 adamǵa deıingi as berýdi qospaǵanda, ashyq aýada, jabyq úı jaılarda, onyń ishinde úıde de otbasylyq, eske alý is-sharalaryn, kópshilik is-sharalardy ótkizýge jáne qatysýǵa tyıym salynady.
Sondaı-aq, saltanatty as berý, otbasylyq is-sharalardy ótkizý, konferentsııalar, forýmdar, adamdar kóp jınalatyn oıyn saýyq jáne ózge de is-sharalar, kórmeler men marafondar, kórermender qatysatyn sporttyq is-sharalar ótkizýge bolmaıdy. Sonymen qatar, teatr men kontsert zaly, fılarmonııa men túngi klýbtardyń jumys isteýine ruqsat joq.
Mektepterde sabaq qashyqtan oqytý formatyna kóshedi.

Vaktsına alǵan, vaktsınatsııalaýdyń tolyq kýrsyn aıaqtaǵan oqýshylar men stýdentterdi oqý orny ákimshiliginiń qalaýy boıynsha shtatyq rejımde oqytýǵa jol beriledi.

JOO men kolledjder aralas oqý formatyn júzege asyrady. Barlyq dárister onlaın, al praktıka, zerthana jáne semınar sabaqtary ıkemdi keste boıynsha shtattyq formatta uıymdastyrylady.

Bilim berý ortalyqtary men túzetý kabınetteri, úıirmeler, damý ortalyqtary – 10 adamǵa deıingi jeke jáne toptyq sabaqtar offlaın formatta ótedi.
Ashyq jobasyna qatysatyn bolsa, áýejaılar men temirjol, avtomobıl vokzaldary, avtostantsııalar men jolaýshylarǵa qyzmet kórsetý pýnkteri qalypty jaǵdaıda qyzmet kórsete alady. Al, atalǵan nysandar Ashyq jobasyna qatyspaıtyn bolsa, qyzmetterine tyıym salynady.