Covid-19 pen pnevmonııa biriktirildi, endi mazmundy jumys bolady - Erbolat Dálenov
NUR-SULTAN. QazAqparat - Qazaqstanda koronavırýs pen pnevmonııa statıstıkasy biriktiriletin boldy. Osyǵan qatysty «Astana» medıtsınalyq ýnıversıtetiniń profılaktıkalyq medıtsına jáne tamaqtaný kafedrasynyń meńgerýshisi Erbolat Dálenov pikir bildirdi, dep habarlaıdy QazAqparat tilshisi.
«Densaýlyq saqtaý mınıstriniń osyndaı sheshim shyǵarǵany durys boldy. Dúnıejúzilik densaýlyq saqtaý uıymy da jazdy kúni bolatyn pnevmonııanyń 80-90%-y koronavırýs ekenin aıtqan bolatyn. Sovid-19 pen pnevmonııa bir aýrý bolǵandyqtan emdeý joly da birdeı bolýy kerek. Emdeý joly birdeı bolǵanda ǵana dertti jeńe alamyz», - deıdi Erbolat Dálenov.
Onyń aıtýynsha, budan keıin mazmundy ári durys jumys bolady.
«Bul pnevmonııanyń qarapaıym pnevmonııadan aıyrmashylyǵy - dene qyzýy bolmaıtyndyqtan ókpe qabynyp, qyzmetin toqtatqanyn adam sezbeı qalady. Dene qyzýy 38-39 bolǵan kezde pırogendi zattar bólinedi. Ol jaqsy bólinse adamdy tabıǵı jolmen aman alyp qalady. Immýnıteti álsiz adamda pırogendi zattar az bólinip, pnevmonııaǵa aınalyp ketedi», - deıdi ol.
Eske sala keteıik, keshe QR Prezıdenti Qasym-Jomart Toqaev Úkimetke pandemııanyń statıstıkasyn birizdendirýdi mindettegen bolatyn. Búgin Qazaqstanda koronavırýs pen pnevmonııa statıstıkasy biriktiriletini habarlandy.