COVID-19 pandemııasy aıaqtaldy: Eýrokomıssııa prezıdenti dárigerlerge alǵys aıtýǵa shaqyrdy

BRıÝSSELЬ. QazAqparat – Eýropalyq komıssııa prezıdenti Ýrsýla fon der Lıaıen Dúnıejúzilik densaýlyq saqtaý uıymynyń (DDSU) COVID-19 koronavırýsy budan bylaı jahandyq densaýlyq saqtaý salasynda tótenshe jaǵdaı emes ekendigi týraly málimdemesin quptaı otyryp, jeke málimdeme jasady, dep habarlaıdy QazAqparat menshikti tilshisi.

«Úsh jyldan astam ýaqyt ótken soń, COVID-19 budan bylaı jahandyq densaýlyq saqtaý salasynda tótenshe jaǵdaı emes. Bul – jaqsy jańalyq», - dedi Ý.Lıaıen.

Juma kúni DDSU resmı ókilderi málim etkendeı, qaýipti vırýstan ólim-jitim deńgeıi 2021 jyldyń qańtaryndaǵy aptasyna 100 myń adamnan 24 sáýirde 3,5 myńnan sál astamǵa azaıdy.

«Pandemııa adamdarǵa, qoǵam jáne ekonomıkamyzǵa aýyr zardap ákeldi. Biraq biz ony jahandyq deńgeıde, EO jáne múshe memleketter deńgeıindegi batyl áreketterdiń jáne azamattarymyzdyń tózimdiligi men yntymaǵynyń arqasynda sátti eńserdik.

Bul bizge EO-nyń kúshi onyń birliginde, sonyń ishinde densaýlyq saqtaý salasyndaǵy kúrdeli daǵdarystarmen betpe-bet kelgende ekenin úıretti. Dári-dármekpen almasýdaǵy, naýqastardy emdeýdegi nemese óz eline oralǵan azamattarǵa kómek kórsetýdegi, sondaı-aq ekonomıkamyzdy qalpyna keltirýdegi eýropalyq yntymaqtastyq azamattarymyzdy birlesip qorǵaýǵa jáne pandemııanyń eń qıyn kezeńderin eńserýge kómektesti», - delingen Eýrokomıssııa prezıdentiniń málimdemesinde.

Daǵdarys artta qalǵandyqtan, densaýlyq saqtaý salasyndaǵy kóptegen aldyńǵy qatarly mamandarǵa sońǵy úsh jyldaǵy erekshe kúsh-jigeri men adaldyǵy úshin shyn júrekten alǵys aıtaıyq. Eger olar bolmasa, qazir biz bolmas edik», - dedi Ý.Lıaıen.