COVID-19 naýqasymen baılanysta bolǵandar eki topqa bólinedi – Bas sanıtarlyq dáriger

NUR-SULTAN. QazAqparat – Qazaqstanda koronavırýs naýqastarymen baılanysta bolǵandarǵa jańa taktıka qoldanylady. Bul týraly QR Bas memlekettik sanıtar dáriger Aıjan Esmaǵambetova málimdedi, dep habarlaıdy QazAqparat tilshisi.

«Jańa Qaýly arqyly naýqaspen baılanysta bolǵandarǵa qatysty taktıkany ózgerttik. Oǵan ózimizdegi jáne halyqaralyq tájirıbeler kómektesti. Buǵan deıin koronavırýs juqtyrǵandarmen baılanysta bolǵandardy bólmeı jalpy qaraıtyn edik. Al endi olardy jaqyn baılanysqandar jáne yqtımal baılanysqandar dep ekige bóldik. Jaqyn baılanysta bolǵandar – naýqaspen bir jarym metrden de az qashyqtyqta 15 mınýtqa deıin birge bolǵandar. Yqtımal baılanys – naýqaspen jabyq ǵımaratta, bir jarym metrden alys qashyqtyqta 15 mınýttan astam ýaqyt birge bolǵandar», - dep túsindirdi bas sanıtarlyq dáriger QR Densaýlyq saqtaý mıınstrliginiń Feısbýktegi baspasóz máslıhatynda.

Buǵan deıin jaqyn baılanysta bolǵandar mindetti túrde PTR-testileýden ótip, karantındik statsıonarǵa jiberiletin edi. Bul taktıka da ózgerip, 14 kúndik karantındi óz úıinde ótkizý múmkindigi berildi. Al PTR testileý karantınniń basynda jáne sońynda júrgiziledi. Bul rette azamattar 14 kún úıde karantındik rejımdi saqtaıtyny týraly qolhat jazýy kerek.

«Yqtımal baılanysýshylar da anyqtalǵan sátte PTR testileýden ótedi. Biraq olarǵa burynǵydaı 14 kún oqshaýlaný talaby qoıylmaıdy. Olar mindetti túrde testileýden ótedi, biraq aýrý belgileri paıda bolǵan jaǵdaıda dárigerge habarlaý týraly qolhat berýi tıis. ıAǵnı, olar emin-erkin júrip-turady, biraq óz densaýlyǵyn jiti qadaǵalaýy tıis», - dedi A. Esmaǵambetova.

Buǵan deıin bas sanıtarlyq dáriger Qazaqstan áýejaılarynda ózge elde júrgizilgen PTR testiniń nátıjesi qabyldanatynyn habarlaǵan edi.