COVID-19: Naýqas qandaı jaǵdaıda aýrýhanaǵa jatqyzylady

NUR-SULTAN. QazAqparat – Elimizde koronavırýs indetine shaldyqqan jandar qandaı jaǵdaıda statsıonarǵa nemese aýrýhana jatqyzylatyny aıtyldy, dep habarlaıdy QazAqparat tilshisi.

«Statsıonarǵa koronavırýsqa shaldyqqan ortasha, aýyr jáne óte aýyr jaǵdaıdaǵy naýqas jatqyzylady. Demek vırýspen kúres jeńilse soqsa jáne kompıýterlik dıagnostıka bolsa, ol adamdy aýrýhanaǵa jatqyzýdyń qajeti joq. ıAǵnı dáriger naýqasty klınıkalyq belgileriniń jıyntyǵyn negizge ala otyryp statsıonarǵa jiberedi. «Mysaly, eger patsıenttiń dene temperatýrasy kóterilip, jótel men alqyný belgisi bolǵan jaǵdaıda, kompıýterlik tomografııa naýqas ókpesiniń 20 paıyzyn zardap shekken jaǵdaıda ol aýrýhanaǵa jatqyzylady. Odan bólek, qant dıabeti, gıpertenzııa jáne onkologııalyq aýrýdyń sozylmaly túrine shaldyqqandar jáne 65-ten joǵary jastaǵy jandar da emdi aýrýhanadan ala alady. Jalpy naýqasty aýrýhanaǵa jatqyzý máselesin dáriger anyqtaıdy», - dedi QR DSM medıtsınalyq kómekti uıymdastyrý departamenti dırektorynyń orynbasary Gúlnar Janǵarasheva OKQ-de ótken baspasóz máslıhatynda.

Onyń aıtýynsha, búginde elimizde aýyr jáne óte aýyr jaǵdaıda 998 naýqas aýrýhanada em alyp jatyr.

Buǵan deıin habarlaǵanymyzdaı qazirgi ýaqytta elimiz vaktsına óndirýshi birneshe kompanııamen kelissózder júrgizip jatyr.