COVID-19: Qyrǵyzstanda júk tasymaldaýǵa talap kúsheıtildi
BІShKEK. QazAqparat – Qyrǵyzstan Respýblıkasynyń aýmaǵyna kiretin júk tasymaldaýshylardy COVID-19-ǵa tekserý sharalary kúsheıtilip jatyr. Bul týraly Respýblıkalyq jedel shtabtyń otyrysynda aıtyldy. Bul týraly QazAqparat Kabar agenttigine silteme jasap habarlaıdy.
Qazirgi ýaqytta shekarany kesip ótetin barlyq júk kóligi júrgizýshileri ekspress-testten ótip jatyr. Test oń nátıje berse, júrgizýshiler analız nátıjesin alǵanǵa deıin observatsııada bolady.
«Búginde densaýlyq qaýipsizdigin qamtamasyz etý maqsatynda osy baǵyttaǵy jumystardy baqylaýdy kúsheıtý kerek. Júk tasymaldaýshylardyń óńirler arasynda ári qaraı júrýine basa nazar aýdarý qajet. Ókinishke qaraı, úı karantıninde bolýy tıis adamdar jumystaryn jalǵastyrǵan kezder de boldy. Sondyqtan, júk tasymaldaýshylardyń mekenjaıyn baqylaýdy kúsheıtý kerek. Olar bizdiń baqylaýdan shyqpaýy tıis», - dep atap ótti birinshi vıtse-premer-mınıstr Kýbatbek Boronov.
Tıisti memlekettik organdarǵa Qyrǵyzstan aýmaǵy boıynsha júk tasymaldaýshylardyń kirýin jáne odan ári júrip-turýyn baqylaý algorıtmin jetildirý tapsyryldy.
