COVID-19: Koronavırýstan saqtandyrý júıesi álemde qalaı jolǵa qoıylyp jatyr
Qazaqstannan basqa AQSh, Italııa, Frantsııa, Túrkııa, Lıtva, Ýkraına, Reseı, Qytaı jáne Qyrǵyzstan elderinde saqtandyrýdyń óz erejeleri jolǵa qoıylǵan. Zertteý barysynda Freedom Finance Life - ómirdi saqtandyrý kompanııasynyń mamandary Qazaqstannan basqa qaı elderde koronavırýstan saqtandyrylýǵa bolatynyn anyqtady.
AQSh
Koronavırýstan saqtandyrýdyń naqty jańasha tetigin amerıkalyq kompanııalar shyǵarǵan joq. Tek qoldanystaǵy júıege COVID-19 jáne pnevmonııany saqtandyrý jaǵdaıy retinde engizgen. 2020 jyldyń sáýir aıynan bastap, saqtandyrý polısi bar azamattar úshin emdelý ol elde 21,9–38,7 myń dollarǵa túsedi. Odan basqa keńes berýge 34 dollar alynatyn telemedıtsına servısi bar. Saqtandyrý polısi joq adamdar úshin statsıonarda bir apta emdelý quny – 73,3 myń dollar.
Frantsııa
Frantsııadaǵy saqtandyrýshylar federatsııasy koronavırýsty tumaýǵa jáne basqa jiti respıratorlyq aýrýlarǵa teńestirýdi jón dep sheshken. Klıentter ýaqytsha eńbek qabilettiliginen aıyrylǵan kezde olarǵa saqtandyrý boıynsha tólem beriledi.
Italııa
Álem elderiniń ishinde koronavırýstyń Italııaǵa aýyr tıgeni belgili. Mine sondyqtan bul elde mamandar COVID-19 aýrýynan saqtandyrýdyń birqatar sharasyn daıyndady. Mysaly, tanymal eýropalyq saqtandyrý kompanııasy Generali korporatıvti klıentteri úshin ShOB jáne iri korporatsııalardy qoldaý baǵdarlamasyn iske qosty. Atalǵan baǵdarlama boıynsha, saqtandyrý jaǵdaıy týyndaǵan kezde saqtandyrylǵan azamattarǵa uzaq gospıtalızatsııa barysynda táýligine 100 eýro mólsherinde tólem júzege asyrylady. Sonymen qatar, emdeýden keıin klıentti qalpyna keltirý úshin 3 000 eýro mólsherinde járdemaqy beriledi. Koronavırýstan saqtandyrý polısi búkil Italııadaǵy árbir kompanııanyń 1 mln astam qyzmetkerlerinde bar ekeni belgili. Saqtandyrýdan basqa, Generali pandemııaǵa qarsy kúresý úshin somasy 100 mln eýroǵa deıin quraıtyn Halyqaralyq tótenshe qoryn qurdy. Atalǵan qarajattyń bir bóligi, atap aıtqanda 30 mln eýro el turǵyndaryna kómek berýge jumsalǵan.
Lıtva
2020 jyldyń shildesinde lıtvalyq saqtandyrýshylar shetelge shyǵatyn týrıster úshin COVID-19 aýrýynan saqtandyrý tetigin iske qosty. Atalǵan baǵdarlamaǵa sáıkes, saqtandyrylǵan adamnyń koronavırýsqa shaldyqqany anyqtalatyn bolsa, saqtandyrý kompanııalary onyń barlyq qajetti medıtsınalyq shyǵyndaryn óteıdi. Al tıisti jaǵdaılarda, elge qaıtý shyǵyndaryn jabady. Alaıda bul rette týrıst lıtvalyq bılik tyıym salǵan elge barmaýy kerek. Lıtva azamaty tyıym salynǵan elderde koronavırýs juqtyrsa saqtandyrý kompanııasy onyń aldynda eshqanda mindettemeni oryndamaıdy.
Túrkııa
Túrkııada maýsym aıynda COVID-19 aýrýynan saqtandyrý tetigi eldegi barlyq týrıster úshin iske qosyldy. Polıs quny 13 - 23 eýro arasynda. Al tólemderi 2-7 myń eýro shamasynda. 1 maýsymnan bastap polısti Túrkııanyń barlyq áýe kompanııalary men áýejaılarynda onlaın resimdeýge jol ashyldy.
Ýkraına
Ýkraınany koronavırýs sharpyǵan kezde atalǵan saqtandyrý túrine suranys birden ósti. 2020 jyldyń sáýir aıynda 10-ǵa jýyq kompanııa COVID-19 aýrýynan saqtandyrý tetigin iske qosty. Ár kompanııanyń baǵasy ártúrli – bir polıske 100-1 500 grıvenge deıin bolsa, saqtandyrý tólemderi 10 000-120 000 grıven aralyǵynda boldy.
Reseı
Koronavırýstan saqtandyrý Reseıde 2020 jyldyń naýryz aıynyń basynda paıda boldy. Bir jylǵa jasalatyn shartty erejelerge sáıkes, saqtandyrý resimdelgen kúnnen úsh kúnnen keıin kúshine enedi. COVID-19 aýrýynan saqtandyrý quny - 2 500 nemese 10 myń rýbl arasynda. Dıagnozy anyqtalǵan jaǵdaıda tólemderi 20 myń, 50 myń nemese 100 myń rýbl mólsherinde beriledi.
Qytaı
Qytaıda osydan 20 jyl buryn el azamattarynyń úshten bir bóligi ǵana medıtsınalyq saqtandyrýǵa qol jetkizgen edi. Alaıda qazirgi tańda bul elde is júzinde búkil halyq saqtandyrylǵan. Atap aıtqanda, tabysyna, áleýmettik mártebesine qaramastan ár azamat medıtsınalyq qyzmet alýǵa tolyq quqyly. Koronavırýs paıda bolǵannan bastap, Qytaı úkimeti syrqattanǵan adamdardyń bárin tegin emdeıtinin málimdedi. Bul sharalar, turǵyndardy medıtsınalyq kómek alýǵa ýaqtyly júginýge yntalandyryp, aýrýdyń taraý qaýpi tómendedi.
Qyrǵyz Respýblıkasy
Kórshiles qyrǵyz elinde jergilikti saqtandyrýshylardyń sharttaryna sáıkes, koronavırýstan jasy alpysqa deıingi azamattar - 180 kúndik merzimge saqtandyrylýy múmkin. Polıs quny tańdalǵan baǵdarlamaǵa táýeldi - 2 000 somnan 5 000 somǵa deıingi aqshany quraıdy. Statsıonarda emdelýdiń árbir kúni 1 000 somnan 2 500 somǵa deıin shyǵady.
Qazaqstan
Koronavırýstan jappaı saqtandyrý elde 2020 jyldyń sáýirinde bastaldy. Maýsym aıynda Corona Protect baǵdarlamasy boıynsha Freedom Finance Life ómirdi saqtandyrý kompanııasy bastapqy saqtandyrý tólemderin júzege asyra bastady.
Aýrýhanaǵa jatyp emdelý kezinde qazaqstandyqtar dene qyzýynyń 39-dan túspeýi, jótel, qaltyraý, tynys alý qıyndyǵy sekildi sımptomdardyń baryn aıtyp jatty. Atalǵan baǵdarlama boıynsha eń kóp saqtandyrý tólemderi Almaty qalasynda júzege asyryldy. Kelesi kezekte tólemder atqarý tiziminde – Aqtaý qalasy. Freedom Finance Life kompanııasynda tólem alǵan ári saqtandyrylǵan azamattardyń ortasha jasy – 30-50 jas.
Qazirgi ýaqytta Corona Protect baǵdarlamasy boıynsha 5 myńnan astam jeke jáne zańdy tulǵalar polıs resimdegen. Sonyń ishinde 42% erler jáne 58% áıelder quraıdy.
Eske salamyz, Corona Protect saqtandyrý polısi 6 aı boıy búkil álemde qoldanady. Onyń erejelerine sáıkes, emhanaǵa jatqyzylǵan kezde, qarjylyq kómek alýǵa bolady. Al saqtandyrylǵan qaıtys bolǵan jaǵdaıda, tólemdi muragerlerine tıedi. Tańdalǵan paketke sáıkes, saqtandyrý quny 4 900 teńgeden 24 500 teńgege deıingi aralyqta bolady. Al tólemderi - 100 myń teńgeden 5 mln teńgege deıingi soma. Jasy 2-ge tolǵan jáne 60-tan aspaǵan qazaqstandyqtardyń saqtandyrylýy múmkin. Saqtandyrýdy kompanııanyń saıtynda nemese SMS arqyly júzege asyrýǵa bolady.
