Covid-19: Qajet bolsa naýqastar kompıýterlik tomografııadan ótedi
ALMATY. QazAqparat - Almatyda koronavırýs ınfektsııasy rastalǵan naýqastarǵa qajet bolǵan jaǵdaıda kompıýterlik tomografııa jasalady. Bul týraly qalalyq Qoǵamdyq densaýlyq saqtaý basqarmasynyń basshysy Tileýhan Ábildaev aıtty, dep habarlaıdy QazAqparat tilshisi.
Onyń sózine qaraǵanda, qalalyq medıtsınalyq uıymdarda 33 kompıýterlik tomografııa qondyrǵysy bar, onyń 14-i memlekettik medıtsınalyq mekemelerde.
«Bizde kompıýterlik tomografııa bólimi bar. Covid-19 juqtyrǵan naýqastarǵa qajet bolǵan jaǵdaıda kompıýterlik tomografııany qoldanamyz», - dedi ol.
Sonymen qatar, Tileýhan Ábildaev bir adamnyń ókpeniń jasandy jeldetý apparatyna qosylǵanyn aıtty.
