COVID-19: Kanada hokkeıden jastar arasyndaǵy álem chempıonatyn keıinge qaldyrdy

NUR-SULTAN. QazAqparat - Kanada hokkeıden jastar arasyndaǵy álem chempıonatyn keıinge qaldyrdy, dep habarlaıdy QazAqparat Covid-19 taralýyna jol bermeý jónindegi vedomstvoaralyq komıssııanyń Telegram kanalyna silteme jasap.

AQSh, Chehııa jáne Reseı quramalarynyń oıynshylarynda covid-19 juqtyrý derekteri anyqtaldy. Osyǵan baılanysty úsh match ta toqtatyldy.

Týrnırdi jalǵastyrý máselesi týraly aıtylǵan jınalystan keıin medıtsınalyq sarapshylar tobynyń usynysy boıynsha bılik chempıonatty merziminen buryn jaýyp tastady.

«IIHF keńesi bul sheshimdi barlyq qatysýshylardyń densaýlyǵy men qaýipsizdigin qamtamasyz etý úshin COVID-19 aýrýy men koronavırýstyń «omıkron» nusqasynyń úzdiksiz taralýyna baılanysty qabyldady», - delingen uıym habarlamasynda.

1977 jyldan beri ótkizilip kele jatqan hokkeıden jastar arasyndaǵy álem chempıonaty óz tarıhynda alǵash ret merziminen buryn aıaqtaldy. Bul týrnır 2022 jyldyń 5 qańtarynda aıaqtalady dep josparlanǵan bolatyn.

RF Densaýlyq saqtaý mınıstrliginiń juqpaly aýrýlar jónindegi shtattan tys bas mamany professor Vladımır Chýlanov azamattarǵa jańa jyldyq merekelerde shetelge barýdan bas tartýdy usyndy.

«Álemniń ártúrli elderinde jańa «omıkron» shtamynyń belsendi taralýyna baılanysty merekelerge sheteldik saparlardy josparlamaǵan jón, eger josparlanǵan bolsa, onda aldyn - ala vırýsqa qarsy ekpe jasatý kerek jáne saıahat kezinde aldyn-alý sharalaryn muqııat saqtaý qajet», - dep keńes berdi professor.

Infektsıonıst COVID-19 áserinen qorǵaýdyń eń tıimdi ádisi vaktsınatsııa ekenin atap ótti.