COVID-19: Italııa sheteldik dárigerlerden kómek surady
NUR-SULTAN. QazAqparat – Italııada koronavırýs juqtyrǵan aýrýlar sany kúrt óskendikten medıtsınalyq personaldyń jetispeýshiligi artýda. Osyǵan baılanysty bul memleket sheteldik medıkterden kómek suraýǵa májbúr boldy, dep habarlaıdy QazAqparat Euronews agenttigine silteme jasap.
Italııanyń densaýlyq saqtaý organdary pandemııanyń ekinshi tolqynyn jeńý úshin ÓJJ apparattarynyń jetkilikte ekendigin málim etti, degenmen olarmen jumys jasaıtyn medıkter sany tapshy bolyp otyr.
Aıta ketsek, bul eldiń óńirleri densaýlyq saqtaý salasyndaǵy sharalar týraly jeke sheshim qabyldaı alady. Pemont jáne Lombardııa sııaqty soltústik aýdandarynda jergilikti bılik búkil álemge dárigerler jiberý týraly ótinish jasady.
«Biz ókpeni jasandy jeldetý apparattarymen jumys isteı biletin 2000 dárigerge zárýmiz», - dep málimdedi Italııa dárigerleri kásipodaǵynyń kóshbasshysy Karlo Palermo.
Italııa úkimeti qarqyndy terapııa bólimshelerindegi tósek-oryn sanyn qazirgi kúngi 200-den shamamen 11 myńǵa arttyrýdy josparlap otyr.
