COVID-19: Gonkong turǵyny jeltoqsanda Qytaıdyń qurlyq bóligine karantınge jatpaı-aq bara alady

BEIJІŃ. QazAqparat – Qytaıdyń Sıangan (Gonkong) Arnaıy ákimshilik aýdanynyń turǵyndary jeltoqsannyń basynan bastap mindetti karantınnen ótpeı-aq Qytaıdyń qurlyqtaǵy bóligine kire alady, dep habarlaıdy QazAqparat SCMP basylymyna silteme jasap.

Basylymnyń jazýynsha, birinshi kezeńde qurlyqtaǵy Qytaıǵa karantınsiz kirýge arnalǵan kúndelikti kvota birneshe júz adamǵa esepteledi, sodan keıin ol birneshe myńǵa deıin artady. Bul testileý jáne monıtorıng júıesin engizýge baılanysty bolady.

Sıangan AÁA ákimshiligi 2022 jyldan bastap Qytaıdyń qurlyqtaǵy bóligimen transshekaralyq saparlar «keıbir buqaralyq is-sharalardy» uıymdastyrýǵa múmkindik beretin deńgeıge jetedi dep úmittenedi.

Basylymnyń málimetinshe, Gonkong turǵyndary úshin 14 kúndik karantın qajettiligin boldyrmaıtyn transshekaralyq saparlar shemasy aldymen Gýandýn provıntsııasymen bastalady.

Avtory Rýslan Súleımenov